"Səhiyyənin İnformasiyalaşdırılması Mərkəzi" növbəti təlimlərə başladı.

05/26/2022

26.05.2022-ci​ il tarixdə Səhiyyənin İnformasiyalaşdırılması Mərkəzi publik hüquqi​ şəxsi tərəfindən​, tabeliyindən​ asılı​ olmayaraq narkoloji xidmət​ göstərən tibb​ müəssisələrinə “Narkoistifadəçilər barədə elektron​ məlumat bazası”​ elektron​ proqramına qoşulmasına dair qaydaların öyrənilməsi üzrə təlimlərə​ başlanılmışdır.

​ ​ ​ ​ ​ ​ ​ ​ Təlimlərdə​ Bakı və regionlardakı tibb müəssisələrinin mütəxəssislərinə​ proqramın istifadə​ qaydaları və üstünlükləri izah edilmişdir. Həmçinin təlimdə narkoistifadəçilər​ barədə​ məlumatların vaxtı-vaxtında ​ vahid səhiyyə informasiya sisteminə​ yerləşdirilməsi, aylıq və rüblük hesabatların sistemdən əldə​ olunması​ ilə bağlı müvafiq​ təqdimatlar nümayiş etdirilmişdir.

​ ​ ​ ​ ​ ​ ​ Təlimin sonunda​ təlim iştirakçılarının​ sualları​ cavablandırılmış, eləcə də​ proqram​ moduluna​ daxil olmaq​ üçün​ müvafiq icazələr verilmişdir.

​ ​ ​ ​ ​ ​ ​ Təlimlər 01.06.2022-ci il​ tarixinədək​ davam edəcək.