Elektron səhiyyə saytının yeni versiyası

Dizayn, quruluş və məzmun baxımından yenilənən saytda hər bir şəxsin öz kabineti vasitəsilə xidmətlərdən asan və rahat şəkildə yaralanması imkanını, vətəndaşların, səhiyyə işçilərinin, sahibkarların maraqlarına uyğun məlumatların, yeniliklərin təqdim edilməsini prioritet vəzifə kimi qarşımıza qoymuşuq.

            


                “Səhiyyənin İnformasiyalaşdırılması Mərkəzi PHŞ”nin  rəsmi  internet saytının   (e-health.gov.az)  yeni  təkmilləşdirilmiş  versiyası  istifadəyə  verilib.
                Saytda vətəndaşlar kabinet bölməsi  vasitəsilə şəxsi səhifələrinə keçid ala bilərlər. Qeyd edək ki, elektron səhiyyə saytında qeydiyyat “ASAN LOGİN”ə inteqrasiya olunmuşdur.
                Dizayn, quruluş və məzmun baxımından müvafiq tələblərə cavab verən yeni sayt mərkəzin fəaliyyətinin ayrı - ayrı istiqamətlərinin geniş ictimaiyyətə operativ çatdırılmasını, Səhiyyə Nazirliyi tərəfindən təqdim olunmuş  elektron xidmətlərdən  istifadənin asanlaşdırılmasını, elektron səhiyyə standartları və təsnifatlarının vətəndaşların istifadəsinə verilməsini  təmin etmişdir.
                Struktur və funksionallıq  baxımından  fərqlənən  saytda  istifadəçilərin  daha çox müraciət  etdikləri  elektron xidmətlərin daha əlçatan  şəkildə olması üçün  xüsusi  bölmələr ayrılmışdır. Belə ki, Vətəndaşlar, tibb işçiləri və sahibkarlar bölmələri vasitəsilə noviqasiya rahatlığı təmin  edilmişdir.
                Saytın resurslar bölməsində  səhiyyə sahəsinə dair  tibbi terminologiya, standartlar  və təsnifatlar həmçinin qanunvericilik  bölməsində elekton səhiyyə sahəsinə dair hüquqi sənədlər ictimaiyyətin diqqətinə çatdırılmışdır.
                Saytın  Layihələr bölməsində  mərkəzin yarandığı  gündən bugünə qədər həyata  keçirdiyi  layihələr barədə məlumatlar öz əksini  tapmışdır.
                Dinamik  inkişaf  proseslərini əks etdirən Media  bölməsi vasitəsilə  saytın istifadəçilərinə  səhiyyə  sahəsində baş verən  hadisələrin  və  yeniliklərin çatdırılmasını  təmin edən,  KİV- tərəfindən təqdim edilən xəbərlər  bölməsi  həmçinin  saytdan  istifadənin  rahatlaşdırılması  məqsədilə tez-tez verilən suallar bölməsi yerləşdirilmişdir.
                Saytda yerləşdirilən banerlər isə istifadəçilərə  səhiyyənin müxtəlif sahələrinə aid ətraflı məlumatlar almaq imkanı verir.
                Həmçinin saytda  mərkəzin  ünvanı, əlaqə nömrələri, elektron  poçt ünvanı  və digər əlaqə vasitələri yerləşdirilmişdir.
                Onuda qeyd edək ki, Azərbaycanda təşəkkül tapan  açıq  İnformasiya siyasəti səhiyyə sahəsinin fəaliyyətinin  prioritet  istiqamətlərini  təşkil edir. Səhiyyə sahəsində aparılan islahatlar, əldə olunan uğurlar, baş verən  yeniliklər operativ  şəkildə  ictimaiyyətə çatdırılır, səhiyyənin bütün pillələrində informasiya  texnologiyalarının tətbiqi baxımından ciddi addımlar  atılır, elektron xidmətlər təkmilləşdirilir və  digər müvafiq  tədbirlər uğurla həyata keçirilir.